Foto- og filmsamlingen

Norsk vegmuseum har ei stor samling fotografiar frå ca. 1900 og fram til i dag. Det aller meste er papirbilete, men noko av det eldste materialet er i form av glasplater. Det er òg noko negativ og lysbilete i samlinga. Mykje av materialet er skapt i samband med arbeid for Statens vegvesen, og kjem frå ingeniørar, oppsynsmenn, planleggjarar og andre som har dokumentert arbeidet til etaten gjennom tidene. Me har òg ein god del bilete knytt til veg, landskap, køyretøy, fjellsprenging og anlegg som er gitt i gåve frå private og firma.