Eg såg ei bru er ei fotoutstilling med fotografi av Johan Brun.

Natur- og pressefotograf Johan Brun har i samarbeid med Norsk vegmuseum/Statens vegvesen fotografert moderne bruer over heile landet. Noreg er eit land med mange naturlege hindringar og stengsler for framkomme. Det har alltid lege store utfordringar i å skapa god fysisk kommunikasjon mellom menneska i det vidstrekte landet vårt. Bruene bind vegane saman, og har vorte naturlege kjenneteikn i landskapet, landemerke.

Johan Brun viser at han har eit ungt auge som landskapsfotograf, og deler med oss visjonane sine om kor spennande bruer kan opplevast, nesten som regnbogar i stål og betong.